LAOAG CITY – Maproblemaan ni Mr. John Dancel, Municipal Tourism Officer iti ili ti Pasuquin iti panagsagsaganada para iti Tan-ok Festival.
Segun kenkuana, iti agdama ket maiyur-uray pay laeng ti pannakaaprobar ti pundo para iti nasao a naindaklan nga aktibidad.
Inbatadna nga apaman a maaprobaran ti nadakamat a pundo ket dagusda nga isayangkat ti panagsanay ti panagsala dagiti makipaset.
Inlawlawagna a saan nga ipalubos ti lokal a gobierno iti ili ti Pasuquin a saanda a makapartisipar iti nasao a dance competition.
Inpasingkedna a rumbeng a padaanan ti itampokda para ita a tawen iti Tan-ok Festival.
