LAOAG CITY – Kinumpirmaran ni Police Lt. Reycar Almazan, officer in charge iti PNP Pinili nga addan dagiti naipadalan iti RT-PCR test a nakapulapol ni IN-C1379, lalaki, agtawen ti 31, empleyado iti gobyerno kangrunaan iti Municipal Planning and Development Office ken residente iti Brgy. 2 Pagdilao iti ili ti Pinili.
Kuna na nga adda met dagiti nakaisolate a contact ti maseknan nga empleyado iti gobyerno iti nasao nga ili.
Mainaig iti daytoy, inlawlawag ni Almazan a tubo ni IN-C1379 iti Brgy. Banban iti ili ti Bangui idinto nga ina na ni IN-C1298, nga empleyado met laeng iti gobyerno ken residente iti Brgy. Banban iti nasao nga ili.
Segun kenni Almazan, umaboten iti 50 nga empleyado ken sumagmamano nga opisyal iti LGU Pinili ti nakapulapol ti pasyente kalpasan a nairekep ti munisipyo idi Abril 13, 2021.
Inbatad na a kabayatan a nakarikep ti munisipyo ket naiyuswat iti disinfection.
Kabayatanna, inapakammo ni Almazan nga iti ruwar iti transaksiyon dagiti residente nga agbayad ken dadduma pay a transaksiyon.
Aglukat laeng ti munisipyo no bilang sumayaaten ti sitwasyon.
Innayon ni Almazan nga agtultuloy pay laeng ti contact tracing ken amin dagiti maseknan met maipadalan da iti swab test.
Adda met dagiti sumagmamano a kameng ti PNP Pinili a nagbulontaryo a nagisolate kalpasan a nagatendar ni IN-C1379 iti taripnong idi Abril 7.
