LAOAG CITY – Nagballaag ti pagilyan nga Australia seknan iti dua a produkto ti mushroom gummies a nangitunda ti pannakatay dagiti sumagmamano a tattao a naospital.
Dagiti nagbalin a biktima ket nakarikna da ti panagulaw wenno “disturbing hallucination” ken panagbakuar.
Basar iti nakailanad iti public health warning ti nasao a pagilyan, binallaagan da dagiti residente a saanda a mangan iti Uncle Frog’s Mushroom Gummies gapu ta naglaon daytoy kadagiti ramen a makapasabidong.
Basar met iti imbestigasyon dagiti gummies ket manipud iti Cordyceps ken Lion’s Mane gummies.
Naammuan a karaman pay kadagiti sintomas ti mushroom gummies ket ti panagdanag, pannakapukaw ti puot ken ti palpitation.
