LAOAG CITY – Agsagsaganan ti Muslim Community iti Brgy. 1, ditoy ciudad ti Laoag para ti selebrasyon ti Eid’l Fitr wenno panagngudo ti Ramadan.
Daytoy ti inbatad ni Mr. Hajih Ahkmad Aduma, presidente ti Muslim Community iti nasao a ciudad.
Segun kenni Aduma, adda ti maisagana a makan para iti selebrasyon da.
Inpetteng na a ti kangrunaan a maiparit a taraon ket ti karne ti baboy ken aso.
Nupay kasta, kuna ni Aduma a mabalin da a mangan ti karne ti baka ken nuang kasta met ti kalding.
Mangnamnama daytoy nga agsardengen ti panagtudo na tapno maselebraran da a nasayaat ti aktibidad.
Mainaig iti daytoy, kuna ni Aduma nga adda dagiti Muslim a saan a nakateppel a nangan kabayatan ti fasting iti uneg ti makabulan.
Kunana nga awan met ti maipataw a pannusa kadagiti nasao a maseknan.
