LAOAG CITY – Inbatad ni Hadji Akmad Aduma, presidente iti Muslim community ditoy ciudad ti Laoag a simple laeng ti panangselebrar da iti Eid’l adha.
Inlawlawag na nga ita nga aldaw ket mapan da laeng agsimba iti oras iti alas-siete ita a bigat kalpasan na ket pagsasangwan danton dagiti insagana da a makan.
Segun kenkuana, saan a kasapulan a nagarbo dagiti isagana da a makan gapu ta no ania ti kabaelan ti tunggal pamilya kadakuada ket isu ti maisagana.
Mainaig ti daytoy, kuna ni Aduma a nawaya latta dagiti saan a muslim a mapan mangkita kadagiti iyuswat da nga aktibidad, laketdi awan ti aramiden da a maikontra kadakuada.
