LAOAG CITY – Positibo para kenni Mr. Haji Aduma, mangidadaulo ti Muslim Community ditoy siudad ti Laoag ti panangideklara ni Presidente Rodrigo Duterte ti amrtial law iti Mindanao mainaig pay iti napasamak a panagraot dagiti miembro ti Maute Group idiay Marawi City.
Kuna na nga adda dagiti kabagyan na idiay Marawi ken ikar-kararag da nga awan ti mapasamak a dakes dagiti kabagayan da.
Respetaren ni Aduma ti naideklara martial law gapu ta babaen iti datoy ket ad-adda a masolbar ti problema kangrunaan iti lugar da karamanen ti pangtalinaed ti linak, urnos ken talna.
Makita na pay ti kinaseryoso ti presidente a mangsulosyon ti problema iti Mindanao ken iti lugar da.
