LAOAG CITY – Nagdeklarar ti temporaryo a ceasefire ti militar ti Myanmar kalpasan ti magnitude 7.7 a gingined a nakatayanen ti 3,000 a tattao ken nangitunda ti nakaro a perdisyon iti rehiyon a pagnanaedan ti 28 milyon a tattao.
Naruay dagiti building a narpuug ken rinibo a residente ti awanan taraon, danom ken pagnaedan da.
Iti baet ti ceasefire, irekreklamo dagiti humanitarian groups ti naiget a seguridad ti junta, a mangpabayag iti relief operations.
Basar iti International Rescue Committee, napunnon dagiti ospital, kurang ti agas ken dumakdakkel ti pangta ti sakit manipod iti narugit a danom.
Kabayatanna, pumanaw ita nga aldaw iti Myanmar ni junta leader Min Aung Hlaing agturong idiay Thailand para iti maysa a regional summit kadwa na dagiti lider ti India, Bangladesh, ken Thailand.
