LAOAG CITY – Mangisayangkat ti pagilian a Myanmar ti eleksion inton Disiembre 2025 wenno Enero 2026.
Nagbalin a riribok idiay Myanmar sipod iti nasapa a paset ti tawen 2021 kalpasan a pinadisi ti military ti naelektaran ti civilian government nga indauloan ni Nobel Peace Prize laureate Aung San Suu Kyi a nangitunda ti pannakaiwayat kadagiti tignay protesta.
Nagsapata ni Senior General Min Aung Hlaing tapno mangisayangkat ti eleksion ngem naminsan manen a naiyalud-od ti state of emergency iti nasao a pagilian.
Naammoan a dagiti kritiko ket naigetda a babbalawen dagiti naikari idi panagbubutos kas maysa a panangallilaw tapno mapagtalinaed dagiti heneral iti bileg iti babaen kadagiti proxy gapu ta dinos-dosena a partido iti pulitika ti naipawil ken ti junta ket napukaw iti panangiggem iti daytoy iti dakkel a paset ti Myanmar.
Kabayatanna, ti eleksion ket mangitunda ti ad-adu a kinaranggas idinto ti junta ken dagiti kalaban daytoy ket mangilunglungalong a manayonan ti kontrolda iti teritorio idiay Myanmar no sadinno ti kumarkaro a saan a panagkikinnaawatan ket nangitunda ti panagbagsak iti ekonomia ken nangpatalaw ti sumurok 3.5 a milyon nga indibidual.
