Iti baet ti pangta ti nakaro nga epekto ni Super Typhoon Pepito iti Bicol Region, Central ken Northern Luzon ken dadduma pay a lugar, inrekomendar ni dati a Bayan Muna Partylist Neri Colmenares iti gobierno nga usaren dagiti na-raid a Philippine Offshore Gaming Operators (POGO) hubs kas temporario nga evacuation sites.
Segun ken ni Colmenares, no isuna ti mapagsaludsudan ket nasaysayaaten nga usaren dagiti Philippine Offshore Gaming Operators hubs kas evacuation centers nangruna kadagitoy a panawen nga adda dagiti bagyo a sumangbay.
Inbatadna nga adu dagiti pasilidad ti Philippine Offshore Gaming Operators a naipaiman iti gobierno kas iti Bamban, Tarlac; Porac, Pampanga; Bulacan, Cagayan, Metro Manila ken dadduma pay a nalawlawa ken well equipped a kagamitan.
Iti agdama, kuna ni Colmenares a nasaysayaat nga usaren pay laeng dagiti Philippine Offshore Gaming Operators hubs kas evacuation centers kabayatan a maiyur-uray a maipasa ti Permanent Evacuation Centers Bill.
