LAOAG CITY – Umaboten iti dandani 500,000 a Pilipino ti naireport a naapektaran iti very strong El Niño.
Basar iti datos ti National Disaster Risk Reduction and Management Council (NDRRMC), addan iti 459,356 nga indibidual ti pakabuklan a naapektaran iti tikag a manamnama nga agtultuloy agingga inton umuna a paset ti 2027.
Daytoy ket katukad ti 123,635 a pamilia.
Mainaig iti daytoy, maibilang a kakaroan a naapektaran a rehion ti Cagayan Valley gapu iti nalawa a talon a manarimaan a makapaspasar ti tikag.
Sumaruno ditoy ti Region IV-A (Calabarzon), Region IV-B (Mimaropa), Region 5 (Bicol), Region VIII (Eastern Visayas), ken Region XIII (Caraga).
Ti Cagayan Valley pay ti nakairekord ti kaadoan a biktima ti tikag.
Segun iti National Disaster Risk Reduction and Management Council (NDRRMC) a regular ti ar-aramidenda a panang-monitor iti realtime report ti tunggal Office of Civil Defense field office tapno maamoan dagiti addang nga aramiden ti gobierno kas sungbat iti napalawa nga epekto ti nadakamat a weather phenomenon.
