LAOAG CITY – Maipatungpal ti nababa a plete dagiti airline companies inton bulan ti Abril.
Basar iti Civil Aeronautics Board (CAB) nga inpababada ti Level 4 manipud ti dati a Level 5 ita a bulan ti fuel surcharge.
Iti nasao a Level 4 ket ti fuel surcharges ket agay-ayam manipud iti P117 agingga iti P342 para kadagiti domestic flights idinto nga adda ti P385.70 agingga iti P2,867.82 met para iti international flights.
Ti nasao a panagkissay iti fuel surcharges ket maysa a napintas a gundaway para kadagiti pasahero nangruna iti panawen ti kalgaw.
Inlawlawag ti Civil Aeronautics Board a kolkolektaren dagiti airline companines ti fuel surcharges tapno masupusupan ti pabaliw-baliw a balor dagiti petrolyo iti world market.
Inbilinen ti Civil Aeronautics Board dagiti airline companies a mangisubmitir ti aplikasionda ti inkissay a surcharges sakbay iti bulan ti Abril.
