LAOAG CITY – Respetaren ni Bicol Saro Party-list Rep. Terry Ridon ti desision ni Presidente Ferdinand Marcos Jr. a saan a patalawen ni Chinese Ambassador Jing Quan iti baet ti rakurak daytoy a nalawag a maysa a panagpangta.
Mamati ni Ridon nga ammo ni Marcos ti umno nga addang mainaig ken ni Ambassador Jing a nangibaga nga alisto para iti China ti agballigi iti kanito nga agusar ti puersa kontra iti Pilipinas.
Nupay kasta, gutgutigoten ni Ridon ni Presidente Marcos Jr. a patalawen iti pagilian dagiti nababa a ranggo a Chinese Diplomats nga adda iti likudan kadagiti social media account ti Chinese Embassy nga agtultuloy a mangkonkontra kadagiti opisial ti pagilian.
Inpetteng ni Ridon nga agtultuloy a perperdien ti social media accounts ti Chinese Embassy dagiti government officials ti pagilian uray nagtaripnongen da Chinese Ambassador Jing Quan ken Foreign Affairs Secretary Ma. Theresa Lazaro idi Oktubre 19.
