LAOAG CITY – Ipinpinalen ti Independent Commission for Infrastructure (ICI) dagiti nabatbati daytoy a case referrals nga isubmitirna iti Ombudsman mainaig iti maanomalya a flood control projects.
Daytoy ket iti baet ti panagikkat iti puesto ni Independent Commission for Infrastructure Commissioner Rossana Fajardo.
Inbatad ni Independent Commission for Infrastructure Chairperson Andres Reyes Jr., ti panagikkat ni Fajardo ket gapu iti trabaho ti komision nangruna ket ti Independent Commission for Infrastructure ket addaan ti pammilin nga agkalap kadagiti ebidensia, paruaren ti kinapudno ken mangirekomendar kadagiti reporma.
Inpasigurado ni Reyes iti publiko ti agtultuloy a panangkamatda ken panangsungbat kadagiti nabenepisiaran iti maanomalya a flood control projects anomaly.
Inpasingked ni Fajardo a nalpasna ti trabahona iti komision.
Maipalagip nga idi Disiembre ket nag-resign met iti Independent Commission for Infrastructure ni dati a Department of Public Works and Highways (DPWH) Sec. Rogelio Singson.
Iti agdama, dagiti nabatbati laengen nga opisial ti Independent Commission for Infrastructure ket isuda Reyes, dati a Philippine National Police Chief Rodolfo Azurin ken Executive Director Brian Keith Hosaka.
Iti pakabuklan, addan ti walo a case referrals a naipasa ti Independent Commission for Infrastructure iti Office of the Ombudsman kontra kadagiti agarup 100 nga indibidual a karaman iti flood control anomalies.
