LAOAG CITY – Inlawlawag ti neurologist a ni Dr. Jose Antonio Pantangco a ti masansan ken napaot a panagusar ti cellphone ket saan nga isu ti kangrunaan a mangitunda ti seizures.
Inlawlawag ni Pantangco, malaksid iti kombulsiyon, adda pay ti maaw-awagan a minor seizures kas ti absence seizure nga agpaot laeng ti sumagmamano a segundo wenno nakamulengleng laeng ti ubing, ngem mamin-ado a daras wenno maulit-ulit.
Kuna ni Pantangco ti absence seizure ket maikonkonsiderar a maysa a klase ti epilepsy.
Inbatad ni Pantangco a ti cellphone ket mang-trigger laeng ti seizure ti maysa nga ubing gapu iti kinaraniag na ken nakaro a panagpuyat.
Innayon na a ti nabayag ken sobra a panagusar ti cellphone ket mabalin pay a mang-trigger ti epilepsy.
Gapu iti daytoy, inbalakad ni Pantangco a masapol nga adda ti sabali nga aktibidad a pakaibaw-ingan ti atensyon dagiti ubbing tapno makissayan ti panawen da nga agusar ti cellphone.
