LAOAG CITY – Nagselebrar iti maikapat a panagkasangay ti ubing a nakaawat ti Guinness World Record kas “Most Premature Baby to Survive.”
Idi Hulio 5, 2020, inpasngay ni Michelle Butler ni Curtis Zy-Keith Means nupay uppat a bulan pay laeng daytoy a masikog.
Gapu ta premature ni Curtis, agdagsen laeng daytoy ti 420 grams nga arig kadakkelna laeng ti bola ti football.
Siam a bulan a nagtalinaed iti ospital ni baby Curtis ken tallo a bulan daytoy a saanda nga inikkatan ti ventilator.
Nadamag ti records keeping organization a Guinness World Records maipanggep ken ni Curtis ket inikkanda ti world record title a “Most Premature Baby to Survive.”
Naruay a doktor ti nangibaga a maysa laeng a porsiento ti tsansana agbiag iti kastoy a kasapa a premature birth isu a maibilang a miracle baby ni Curtis gapu ta kalpasan ti uppat tawen ket nagbalin a nasalun-at nga ubing isuna.
Iti agdama, naammoan a ti timbang ni Curtis ket 14.9 kilos no sadino isuna ket aktibo, naragsak ken bibo nga ubing.
