LAOAG CITY – Possible a naitupar ti ulo ti saanpay a nabigbig a bangkay ti biktima a nabirokan iti abandonar a pagtaengan iti Brgy. 9 ditoy siudad ti Laoag.
Daytoy ti inbatad ni Dr. Joseph Adaya iti City Health Office .
Kuna na amapatta-patta a pimmusay ti biktima kalpasan ti agarup dua wenno tallo nga aldaw gapu ta agruprupsa daytoy.
Segun kenni Adaya, awan ti nakita na a foul play ti pannakatay ti biktima.
Intalek ti doktor naan-anay a panagimbestigar dagiti kameng ti PNP Laoag.
Kabayatanna, inbatad ni Barangay Chairman Rodolfo Tomas iti Brgy. 9 ditoy siudad ti Laoag nga adda ti sumsumrek a bagtit iti naabandonar a pagtaengan itay kallabes.
Daytoy ket basar iti nakasarsarita ti kapitan a para bantay ti pagtaengan a nakabirokan ti bangkay ti lalaki.
Segun kenni Tomas, saan na a masigurado no ti sumsumrek a bagtit itay kallabes ket isu ti nabirokan a bangkay iti nasao a lugar.
Innayon ni Tomas nga awan ti makitkita da a tao iti uneg ti nasao a pagtaengan no rondaan dagiti barangay tanod.
