LAOAG CITY – Naiwarasen dagiti Social Distancing Enforcers manipod iti Ilocos Norte Police Provincial Office (INPPO).
Daytoy ti inbatad ni Police Lt. Col. Rafael Lero, ti mangidadaulo iti Provincial Operations Management Unit ti INPPO.
Segun ken ni Lero, dagiti Social Distancing Enforcers ken naiwaras iti sentro ditoy ciudad ti Laoag ken iti dakkel a mall iti ili ti San Nicolas.
Inlawlawag ni Lero a gagem ti pannakabukel ti Social Distancing Team ket tapno maipasigurado a masursurot ti social distancing kangrunaan na dagiti establisimiento a kangrunaan a pagturturungan dagiti tattao.
Innayon na nga awan ti sabali nga aramiden ti nasao a team no saan a ti mangpalagip kadagiti tattao nga obserbaren da ti social distancing ken agusar ti face mask.
Nagballaag pay ni Lero a dagiti saan nga agusar ti face mask ket dakkel ti multa na.
