LAOAG CITY – Kinumpirmaran ti Philippine Coast Guard a dumanon iti P2 milyon agingga P3 milyon ti balor iti nadadael ti barko a binomba ti danum dagiti kameng ti Chinese Coast Guard iti kallabes kabayatan ti panagpatrolya ken panangisayangkat ti humanitarian mission iti West Philippine Sea.
Segun ken ni Commodore Arnaldo Lim, ti Acting Commander ti Philippine Coast Guard Manila ken Central Luzon District a ti gobierno iti agsungbat iti pannakatarimaan ti BRP Bagacay a nagturong iti Cunanan Wharf.
Nadakamat a direkta a tinamaan ti pinaruk-atan a danum ti China Coast Guard ti LED panel ti barko a nangitunda ti pannakadadaelna.
Malaksid iti daytoy, nadadael pay ti canopy ken railings ti rangtay ti barko pakairamanan dagiti navigational equipment kas ti satellite compass.
Inbatad ni Lim, dagus met a rugianen ti Coast Guard Commander Fleet ti pannakatarimaan ti nasao a barko.
Maipalagip a malaksid iti BRP Bagacay, nadadael pay iti panangbomba ti China Coast Guard ti starboard astern ti BRP Datu Bankaw a kukua ti Bureau of Fisheries and Aquatic Resources ken isu ti kadua ti BRP Bagacay iti panagpatrolya ken panangisayangkat ti humanitarian mission iti West Philippine Sea idi Abril 30.
Iti agdama ket mannarimaan ti pannakaipadalan ti Philippine Coast Guard ti BRP Bagacay iti structural integrity tapno maammoan no ania a paset iti barko ti masapol pay a matarimaan.
