LAOAG CITY – Ginasut a protesters ti nakaengkwentro dagiti security forces iti sumagmamano a ciudad iti Cameroon, maysa nga aldaw sakbay a maiparuk-at ti resulta ti pagriririan a presidential election.
Nagusar dagiti pulis ti tear gas ken water cannons kontra kadagiti supporters ti opposition candidate a ni Issa Tchiroma Bakary iti ciudad ti Garoua.
Ipetpetteng dagiti protesters a nangiwayat da ti nadamsak a tignay-protesta tapno kondenaren ti plano ti rulling party a Cameroon People’s Democratic Movement (CPDM), nga agawen ti balligi manipod iti opposition leader.
Ipetpetteng ni Tchiroma Bakary a nangabak iti presidential election a naiyuswat idi Oktubre 12 ita a tawen, kontra ken ni incumbent President Paul Biya, agtawen ti 43.
Naiget met a naglikudan ti Cameroon People’s Democratic Movement party ti nasao nga alegasyon.
