LAOAG CITY – Inpetteng ni Atty. Ferdinand Ignacio nga al-alisto ti panagdur-as ti ekonomiya babaen ti federalismo nga ilunglungalong ni Presidente Rodrigo Duterte.
Daytoy ket gapo ta dakkel ti maala nga income a mapan iti federal government.
Segun kenni Ignacio, 70 a porsiento ti mapan iti regional federal state a resources ken 30 a porsiento ti agbati iti federal government.
Mainaig iti daytoy, kuna ni Mr Francis Domingo iti Hugpong Federal Movement of the Philippines, dagiti regional federal state ket maaddaan ti bukod na a wagas a padur-asen ti lugar na no agballaygi a maipatungpal ti pederalismo a gobyerno.
Maiwayat ti rally dagiti tagasuporta ni Presidente Duterte intono bigat iti Aurora Park ditoy siudad ti Laoag.
