LAOAG CITY — Mapagsasaritaan online ti nagbalin maipagarup a panagbastos iti actress a ni Nadine Samonte kalpasan a saan a napalubosan a simrek iti Gala event ti TV network-na.
Nupay naawis ni Nadine iti nadakamat nga event iti Manila Marriott Hotel, nasdaaw isuna ta awan daytoy iti guest list iti panagrehistro.
Nadismaya ti kampo ti aktres gapu ta kinunada nga inyun-una ti management dagiti online influencers ngem dagiti naawis ken homegrown artists.
Inlawlawag ni Nadine ti isyu a saan nga isu ti klase ti artista nga ag-VIP treatment.
Kabayatanna, inbatadna nga awan ti dakes no makaawat met isuna iti patas a pannakatrato kas maysa kadagiti sangaili ti nasao nga okasion.
