LAOAG CITY – Saan pay a nabigbig ti biktima a nadungpar ti motorsiklo iti paset ti Barangay Baay iti ciudad ti Batac.
Daytoy ti inbatad ni Police Major Artemio Clemente, ti deputy chief of police iti ciudad ti Batac.
Segun ken ni Clemente, ti biktima ket nagsagaba ti sugat ken natukkol ti akin-kannigid a saka na kalpasan a nadungpar ti motorsiklo nga inturong ni Ian Rubian a taga Barangay Acosta ti nasao a ciudad.
Napasamak ti pannakadungpar ti biktima kalpasan a kellaat lattan a bimmalasiw iti kalsada.
Nagtalinaed ti biktima iti Mariano Marcos Memorial Hospital and Medical Center iti nasao a ciudad.
