LAOAG CITY – Napasamak ti maysa a minor vehicular traffic incident iti Laoag-Paoay bypass road iti paset ti Brgy 40 Balatong ditoy siudad ti Laoag.
Segun ken ni Perlita Natividad, akinkukua iti nadungpar a tricycle a naggapuda iti maysa a paggasolinaan ket kabayatan ti panagruarda kadaytoy a paggasolinaan ket kellaat a dinungpar ti maysa a naka honda click ti likudan ti tricycle-da.
Kabayatanna, kalikagumda iti makipag areglo ket kinunana pay a maipagarup a dinakamat dagiti nakamotorsiklo a mangtedda ti P1500 a pagpawelding iti naikkat a parte ti likodan ti tricycle.
Kabayatanna, no man pay nagkedked dagiti nakalugan ti motorsiklo a nangted ti takderda iti insidente, kinuna ti lubbon ti driver ti motorsiklo nga agturongda koma iti maysa a review center kas panagsaganada iti licensure examination sakbay a napasamak ti insidente.
