LAOAG CITY – PIn-inot a maipakaammo iti publiko dagiti nagan ti nalatak a personalidad a manamnama a tumabuno ken agpabuya iti masungad a Himala sa Buhangin 2024.
Daytoy ti inpakaammo ni Mr. Xavier Ruiz, Officer-in-Charge ti Provincial Tourism Office ti Ilocos Norte, no sadinno malaksid kada Shanti Dope ken Zack Tabudlo, manamnama met nga agpabuya dagiti nalatak nga influencer a kas kada Queen Dura, Fhukerat, Ernalyn, Christian Antolin, ken Pipay.
Mainaig iti daytoy, namnamaen ti itatabuno dagiti nalatak a online personalities a da Kimpoy Feliciano ken John Bonifacio iti nasao nga event.
Inpakaammo ti Provincial Tourism Office ti opisial a presio ti tiket para iti Himala sa Buhangin ita a tawen.
Segun ken ni Ruiz, ti regular rates ket ₱1,500 para iti Gold Ticket, ₱500 para iti Silver A, ken ₱300 para iti Silver B no sadinno mabalin a gatangen dagiti tiket iti amin nga SM Tickets outlets iti intero a pagilian wenno online iti www.smtickets .com.
Para kadagiti residente ditoy probinsia ti Ilocos Norte, adda ti special rates a ₱750 para iti Gold Ticket, ₱200 para iti Silver A, ken libre para iti Silver B a mabalin a gatangen ti ticket iti himala.ilocosnorte.ph.
Kabayatanna, maangay ti Himala sa Buhangin 2024 inton Nobiembre 16.
