LAOAG CITY – Inpakaammo ni Mr. Gervy James Gumarit, mangidadaulo ti Provincial Communications and Media Office nga adda dagiti maaw-awatda a reports pakaseknan iti pannakausar ti nagan ni Gob. Matthew Marcos Manotoc tapno mangaramid ti fake reservations wenno bookings kadagiti restaurants ken dadduma pay nga establishimento ditoy Ilocos Norte.
Segun kenkuana, nakikoordinaren ti Provincial Government of Ilocos Norte iti Ilocos Norte Police Provincial Office tapno mangisayangkat ti imbestigasion ken magutgutigut iti publiko a dagus nga i-report kadagiti otoridad no adda dagiti mapagat-atapan a transaksion.
Inbatadna nga iberipikar nga umuna iti Ilocos Norte Tourism Office sakbay nga ikumpirmarda nangruna ket amin a booking requests ket dumalan iti official communication channels and representatives sakbay a mapatgan daytoy.
Inlawlawagna a no adda dagiti aggandat nga agallilaw ket mabalin a kontaken ti numero a 0905 898 8683 tapno ditoy a maipasigurado ken mapaneknekan nga adda ti pammilin ni Gob. Manotoc
