LAOAG CITY – Inpakaammo ni Facebook founder Mark Zukcerberg a masukatanen ti nagan ti kumpanya.
Kuna na a manipod iti Facebook ket mapagbalin a “Meta”.
Inlawlawag ni Zukcerberg a makitkita ti kompanya kas social media company ngem para kadakuada a mangimanmanehir daytoy ket isud ti mangar-aramid ti teknolohiya tapno adda ti koneksyon dagiti tattao.
Kabayatanna, inbatad na nga agtalinaed dagiti social media apps kas iti Instagram, WhatsApp ken Facebook.
Immunan nga inpakaammo ni Zuckerberg a ti pannakabukel ti “metaverse” ket daytoy ti agserbi nga online world nu sadino a makapagay-ayam, makapagtrabaho ken maaddaan ti komunikasyon babaen iti virtual environment ken panagusar ti VR headsets dagiti tattao.
