Maluksaw ni Mayor Antonio Mariano iti ili ti Marcos kalpasan a naammoanna a maus-usar ti naganna iti panagdawat ti donasyon para kadagiti ubbing.
Segun kenkuana nakiyuman ti maysa a kompanya ti Agri-Supply iti Agriculturist iti nasao nga ili nga adda ti naawat da a surat no sadinno dumawdawat ni Mayor Mariano ti donasyon para kadagiti ubbing a saan nga agbasbasa.
Gapu iti daytoy, dagos a naipakaammo daytoy a banag iti Agriculture Head ken iti Philippine National Police.
Mainaig iti daytoy, tinawagan ti grupo ti mayor ti numero a nakailanad iti nasao a letter ket adda ti nagan nga inpaayna kadakuada ken naammoan nga inramramanna pay ti nagan ti gobernador.
Pinasengkadan ti Mayor a saan a lehitimo ti nausar nga header iti letter ken ti pirma na a nakaipan.
Naammoan a nakaipan iti letter nga agkidkiddaw daytoy ti donasyon para kadagiti 20 nga ubbing no sadinno nakailanad pay iti surat nga agbalor ti P8,500 iti tunggal ubbing ti maited a donasyon.
Kabayatanna, kuna ni Mayor Mariano a mannarimaanen ti pannakaimbestigar iti nasao a banag tapno maammoan no siasinno ti adda ti likodanna na daytoy.
