LAOAG CITY – Naartapan ti National Food Authority ti target procurement daytoy para iti irik iti umuna a kagudua ti tawen, basar iti Department of Agriculture.
Inbatad ti ahensia a dimmanon ti palay procurement ti National Food Authority iti agarup 3.37 a milyon a 50-kilo bags agingga idi Hunio 13.
Dinakamatna a naartapan iti target-da a 3.36 a milyon a sako.
Inyarig ti Agriculture Department iti nangatngato a buying prices ti National Food Authority a maipagarup a nakatulong daytoy a papigsaen ti national buffer stock ken manayunan ti birok dagiti mannalon.
