LAOAG CITY – Ad-adda pay a bimmara iti nagbedngan ti Pakistan ken Afghanistan.
Daytoy ket kalpasan ti panangakusarda iti tunggal maysa iti saan a panagtungpal iti ceasefire.
Gapu iti daytoy, timmalaw dagiti residente iti Afghan city ti Spin Boldak iti nagpatnag nga adda ti kaadayona a 1,600-milya wenno 2,600 a kilometro iti nagbaetan ti dua a pagilian.
Segun iti maysa a medical worker iti asideg a siudad ti Kandahar, adda ti uppat a bangkay ti naikabil iti ospital no sadinno nga uppat nga indibidual ti nasugatan ken tallo ti naipadamag a nagsagaba met ti sugat idiay Pakistan.
Adda ti panagrinnupak iti nagbaetan ti dua a pagilian kadagiti naglabas a bulan idinto nga inakusaran ti gobierno ti Taliban ti Afghanistan ti Pakistan a mangiwaywayat ti air strike iti uneg ti pagilian.
Kinumpirmaran ti dua a grupo a nagsinnukatda iti panagpinnutok a nagpatnag ngem binabalawda iti tunggal maysa ti panangrugi ti uppat nga oras a rinnupak.
Mainaig iti daytoy, inakusaran ni Mosharraf Zaidi, pannakangiwat ni Prime Minister Shehbaz Sharif ti Pakistan a saan a nainkalintegan a panangiwayat ti panagpaputok ti Taliban.
Nupay kasta, inpetteng ti pannakangiwat ti Taliban nga immuna nga immatake ti Pakistan banag a bimmalesda laeng.
Kabayatanna, kuna ni Ali Mohammed Haqmal, mangidadaulo ti Kandahar’s information department, tinarget ti Pakistan’s forces dagiti light ken heavy artillery pakairamanan dagiti pagtaengan dagiti sibilian babaen ti mortar fire.
