LAOAG CITY – Inpakaammo ni Brgy. Chairman Nick Foronda iti Brgy. Dipilat iti ili ti Vintar nga agraragsak dagiti kabaranggayana gapu iti arig a panagtudo ti lames iti karayan.
Segun ken ni Foronda, daytoy ket gapu iti panagado ti lames iti nages-es a karayan iti masakupan ti barangay da.
Mainaig iti daytoy, inpakaammo ni Foronda a naruay a tattao ti nagturong iti nasao a karayan tapno agpidot kadagiti lames.
Kuna na a kaaduan a maala iti lugar ket ket bukto, pallileng, udang ken dadduma pay.
Inbatad ni Foronda a tinawen daytoy a mapaspasamak kangrunaan nu madanon ti panawen ti kalgaw nu sadino a ti danom ket maiturong iti bislak river.
