LAOAG CITY – Nakakali dagiti construction workers ti nagduduma a klase ti pagpabettak iti paset ti Barangay 2 San Agustin iti ili ti Sarrat.
Segun ken ni Police Staff Sergeant Jayson Pascual, kabayatan ti panagkali dagiti construction worker iti bakante a lote a pakaipasdekan kuma ti maysa a balay ket adda ti nakali da a maysa a dakkel a banga a naglaon daytoy iti nagduduma a kagamitan ti dati nga Army personel.
Kinumpiraman ni Pascual a ti linaon ti banga ket sangapulo a pedaso ti CTG 40mm, maysa riffle grenade, ken maysa a hand grenade L67.
Naipaima metten dagiti nakali nga explosive devices iti INPECU.
Kabayatanna, saan met pay a nangited ti statement dagiti construction worker a nakakali kadagitoy.
