LAOAG CITY – Inbinsa-binsa ni Mr. Genaro dela Cruz, presidente ti alyansa dagiti mannalon ditoy probinsya ti kapanunotan na seknan kadagiti naaramidan ni Presidente Ferdinand Bongbong Marcos Jr. iti umuna a 100 nga aldaw na ii pwesto.
Inbatad ni dela Cruz a karaman kadagiti positibo a naaramidan ti presidente ket ti panangawis na iti foreign investors nga agnegosyo ditoy pagilian.
Kuna na a maysa pay ditoy ti panangpapigsa na ti foreign relations ti estados unidos kangrunaan ti isyu ti west Philippine sea.
Kabayatanna, iti baet dagiti positibo a naaramidan ti presidente, inpetteng ni dela Cruz nga adda latta ti negatibo a pasamak.
Inpetteng na a maysa ditoy ti agtultuloy a panagngato ti presyo dagiti magatgatang.
Inbatad na a kageddan daytoy ti nalaka a presyo ti irik iti baet a nangina ti krudo ken dadduma a produkto a petrolyo.
Mainaig iti daytoy, kuna ni dela cruz a karaman pay a sangsangoen dagiti Pilipino ket ti nangato a singir iti kuryente agraman ti pannakalabsing ti human rights, red tagging ken extra judicial killing.
