LAOAG CITY – Nauram ti sumagmamano a paset ti maysa a pagtaengan ti Brgy. 57 Pila ditoy ciudad ti Laoag a kukua ni Engr. Vicente Ancheta.
Mapatta-patta g nga agarup agalas dose ti pangngaldaw idi nangrugi ti uram no sadinno ket nairaman ti bassit a tianggi ti pagtaengan.
Saan met pay a makasarita dagiti maseknan nga akinkukua ti pagtaengan gapu iti napasamak.
Ti nasao a pagtaengan ket addaan ti dua a kadsaaran ken naaramid ti sementado ken landok a materiales.
Umabot met ti tallo a fire truck a nagresponde iti nasao nga uram.
Iti agdama, manarimaan met pay laeng ti imbestigasyon no ania ti nagrugian ti uram ken mano ti kantidad ti nadadael.
