LAOAG CITY – Nagtitipon dagiti nagduduma a sektor ditoy Ilocos Norte para iti panakkikaysa iti International Human Rights Day.
Segun kenni Fr. Randy Manicap, spokesperson ti Kaamoyo Ti Kapia a daytoy ket tapno maipadanon dagiti nagduduma a panawagan iti tunggal maysa.
Inbatad a no human rights a makuna ket adda ti nagduduma a pakasaritaan na kas iti politika, ekonomiya ken dadduma pay
Kunana nga agtultuloy ii panawagan da kadagiti saan a nasayaat nga aramid kangrunana ti kurapsyon a mapasamak iti pagilyan.
Mainaig iti daytoy, kuna ni Manicap a kasapolan a maipaay met ti usto a karbengan kadagiri IPs , mannalon, kabataan ken dadduma pay a sektor .
Kabayatanna, mangnamnama a babaen iti daytoy nga aktibidad ket mangeggan ti boses ti tunggal maysa para iti pagsayaatan.
