LAOAG CITY – Inpakaammo ni Engr. Maria Teresa Bacnat, ti OIC iti provincial agriculture office ditoy probinsya dagiti nagduduma a serbisyo ti gobierno probinsyal kadagiti mangngalap ken mannalon.
Segun ken ni Bacnat, siasinoman nga agkasapulan ket mabalin a mangipatulod ti surat iti minucipal agriculture office ken maiturong met laeng iti opisina da.
Inbatad na a dagiti dumawat iti nayun a bukel ken dadduma a mabalin a maimula ket mabalin latta a patulodan ti mensahe iti opisina da.
Mainaig iti daytoy, kuna na a dagiti agkiddaw iti nagduduma a farm machineries ket masapol a maiyuman met pay laeng iti gobernador tapno maiyalokaran ti pondo.
Kabayatanna, inbatad ni Bacnat a nu maipanggep iti panagkiddaw ti abono ket agdepende iti kalawa ti taltalonen ti mannalon ti maited.
Basar iti inparuk-at a pakaammo ni Governor Matthew Marcos Manotoc, dagiti nagduduma a serbisyo a maipaay ket crops assistance, dagiti masapol iti irigasyon, livestock services, fishery ken insurance.
