LAOAG CITY – Naipaay ti nagduduma a tulong kadagiti naruay a pamilia iti amianan a paset ti probinsia.
Karaman ditoy iti ili ti Adams, Pagudpud, Dumalneg, Bangui, Burgos ken Pasuquin babaen iti panangidaulo ni Gov. Cecilia Araneta Marcos kabayatan ti Capitol Express.
Mainaig iti daytoy, naikkan ti food packs dagiti senior citizens, Person’s With Disability ken dagiti pamilia ti Millennium Development Goals idinto a dagiti daycare pupils ket naipaayan ti school supplies.
Malaksid iti daytoy, naammoan nga adda met ti tulong nga inpaay ti Ilocos Norte Tourism Office kadagiti tourism establishments a nakana a naapektaran iti iduduprak ti Bagyo Nando ditoy probinsia.
Kabayatanna, inpakaammo ni Gov. Marcos a naipaayan dagiti nadakamat nga establishimento ti building materials.
