LAOAG CITY – Inbatad ni Atty. Domingo Egon Cayosa, ti presidente ti Integrated Bar of The Philippines a saan a nakapapati ken napakpakadaan nakapaayan da Judge Ma. Theresa Abadilla kenni Atty. Amador Rebato.
Nu pay kasta, kuna na a posible nga inside job wenno naplano ti insidente ken adda ti panagkukurang ti seguridad.
Gapu iti daytoy, inlawlawag ni Cayosa nga agtultuloy ti pannakikooperar iti biang ti IBP iti Korte Suprema para iti pannakaipaay ti supplemental security wenno judicial marcials kadagiti huwes, piskal ken abogado.
Kuna nga adda pinermaan a Memorandum of Agreement ti IBP ken ti PNP pakairamanan ti AFP para iti pannakapigsa ti seguridad kadagiti legal counsel.
Inbatad na a karaman nga adda iti MOA ket ti pannakaipalubos ti training dagiti chapters ti IBP seknan iti personal security.
Mainaig daytoy, inbaga na a ti itul-tuloy pat nga aramiden ti IBP ket ti pannaka-aramat ti sistema nu sadino a nakailanad dagiti personal nga impormasyon ti pamilya dagiti huwes, piskal ken abogado nga agkasapulan ti tulong.
Innayun na nga adda pay ti programa ti IBP nu sadino nga adda ti naiyalokaran ti pondo dagiti mangayat nga agwitness nu bilang adda dagiti kapada a kaso kas iti nakapaayan da Judge Abadilla.
Inbunannag na nga adda ti panagngato ti death benefit kadagiti kameng ti legal counsels a biktima ti bayolente nga aramid wenno krimen.
Mainaig iti daytoy, inbatad ni Cayosa a dagiti bayolente ket nasken a matratar a dagus tapno malappedan ti panagngato ti krimen.
Maipalagip a pimmusay ni Judge Abadilla Manila Regional Trial Court (RTC) Branch 45kalpasan a pinaltogan a mismo ni Atty. Amador Rebato, ti clerk of court ken kalpasan ket pinaltogan na met ti bagbagi na.
