LAOAG CITY – Nakasaganan dagiti ahensya ti gobierno a mangsigurado ti naurnus ken natalinaay a panangselebrar ti holiday iti umadanin panagngudo ti tawen.
Inbatad ni Department of the Interior and Local Government Secretary Benhur Abalos a naituding payen ti nagduduma nga inspeksyon kadagiti pantalan, bus terminal ken dagiti erupuerto.
Kuna pay ni Abalos a nakasaganan ti Philippine National Police ken nakadeploy aminen dagiti personnel da tapno bayabayen da dagiti biyahero.
Uray ti Bureau of Fire Protection ket nakasaganan nga agresponde kadagiti firecracker incidents.
Immunan a nairakurak a namnamaen a mangrugi ti panagdoble ti bilang dagiti pasahero nga agturong kadagiti terminal intono Disyembre 22 tapno agawid kadagiti bukod da a probinsya nga isu ti pangselebraran da ti paskua ken baro a tawen.