LAOAG CITY – Mangisayangkat ti nagduduma a tribute wenno pananglagip ti Estados Unidos iti maika-24 a tawen ti September 11, 2001 terror attack.
Iti nasao a panagatake ket nakatayan ti 2,977 nga indibidual iti World Trade Center iti Manhattan, The Pentagon iti Arlington, Virginia ken iti Somerset County, Pennsylvania.
Maisayangkat ti tinawen a commeration ceremony iti 9/11 Memorial iti Lower Manhattan.
Naammoan a lagipen ti New York City Fire Department ti 39 a miembroda a naaddaan ti sakit ken pimmusay gapu iti inaramidda idi nga awan sarday a rescue operations.
Adda ti maiyuswat a panagtukar ti kampana iti Garden of Reflection iti Bucks County, Lower Makefield ti official memorial dagiti biktima iti Pennsylvania.
Maaddaan ti flag memorial service ti Hartsville Fire Company iti York Road iti Warminster.
Iyuswatda ti pannaka-display ti 403 a bandera ti Amerika iti sangoanan ti fire station.
Mainaig iti daytoy, dagiti nasao a bandera ket bukbuklen ti 343 a bumbero manipud iti New York City, 37 a New York Port Authority officers ken 23 iti New York Police Department a natay kabayatan nga isalsalakanda dagiti sumagmamano nga indibidual.
Manamnama nga agturong ni United States President Donald Trump iti Pentagon tapno ipaayan ti pammigbig dagiti pimmusay.
Maipalagip nga hinay-jack dagiti terorista ti pampasahero nga eroplano no sadinno a pinabagsak daytoy iti World Trade Center Building idinto a nalappedan ti sumagmamano a gandat a terror attack iti Pentagon.
