LAOAG CITY – Intampok dagiti estudyante ditoy ciudad ti Laoag ti nagduduma nga imbension kabayatan ti pannakaisayangkat ti Division Science, Technology and Innovation Festival a naiwayat iti Shamrock Elementary School ditoy ciudad ti Laoag.
Segun kenni Mayor James Bryan Alcid, inpakita dagiti ubbing dagiti inaramid da a nagduduma a produkto iti baet ti kinaganos paylaeng ti panunotda.
Malaksid kadagito ket naitampok pay ti Planetarium a nangipaay ti nayon nga adal kadagiti nakipapaset iti aktibidad.
Innayon na nga adda pay ti panangtulad dagiti ubbing ti itsura dagiti scientist nga inspirasion da iti panagballigi da iti biag.
Inpasingked ti mayor nga agtultuloy dagiti inobasyon ti Department of Education ditoy ciudad Laoag para kadagiti agad-adal ken inpasigurado na a 100 a porsiento ti ipaay a suporta ti gobierno lokal kadagiti agad-adal.
