LAOAG CITY – Naibinsa-binsa kabayatan ti 100-day speech ni Mayor Michael Marcos Keon dagiti nagbalin nga isyu ditoy ciudad ti Laoag bayat ti panagtugaw na iti pwesto.
Karaman ditoy ti isyu ti Laoag City General Hospital (LCGH) a nangirakurakan na kadagiti equipments a saan nga agop-operar, kasta met ti problema ken nagbaliwan ti merkado publiko seknan iti octupos connection nga isu ti inikkan da ti importansya.
Malaksid kadagitoy, nadakamat na pay iti panagbitla na ti iduduprak ti Bagyo Ineng ditoy probinsya iti kallabes.
Kabayatanna, inbatad ni Keon nga iti panagtugaw na kas Mayor ket saan a maliklikan a makaaramid ti babassit a kamali.
Nupay kasta, kunana a tapno maliklikan a makaaramid ti dadakkel a kamali ket naannad iti panangtratar na kadagiti nagduduma a banbanag ken dagiti madakdakamat a tattao.
