LAOAG CITY – Inbatad ni Atty. Joel Gines, ti Provincial Election Supervisor a nakatutok dagiti election officers iti maiyus-uswat a panagpipili ita nga aldaw.
Inbatad na a maysa a sinolbar ti COMELEC ket ti umabot iti 13 a vote counting machine (VCM’s) ditoy probinsya a nag-malfunction.
Kuna na nga apaman a naireport iti opisina da ti nasao nga isidente ket dagus met a nasukatan dagitoy tapno agtultuloy ti panagbutos.
Kabayatanna, patien ni Gines a posible nga istorya laeng dagiti botante ti maipagarup a panagbaliw ti resulta iti resibo ti binutosan da iti balota.
Inbatad na nga awan ti pammaneknek a pudno dagiti reports maipanggep iti daytoy ngem kuna na a nairekord kas election protest.
Immunan nga inpetteng na nga idi naiysuwat ti final testing and sealing kadagiti vote counting machines ket awan ti nairekord panagpalya dagitoy.
Innayun na nga arig nga adda pay ti nagbalin a pattern ti reklamo dagiti botante gapu ta arig a dua laeng a nagan ti rumrumuar a maswitswitik ken dagitoy ket da presidential bet Bobong Marcos kenni bise presidente Leni Robredo.
Nu pay kasta, mangnamnama ti election officer nga agbalin a natalna ken naurnos ti sitwasyon agingga a malpas ti panagpipili.
