LAOAG CITY – Isagsaganan ti Philippine National Police (PNP) ti ipila da a reklamo kontra ti maysa a nagpaidasig a para kapitan iti Barangay 19 ditoy ciudad ti Laoag.
Immuna ti daytoy, inreklamo ni Gilbert Tolentino Andres, agtawen ti 36, single ken residente iti Barangay 19 ditoy ciudad ti Laoag ni Leonidas Ruiz, nagpaidasig a para kapitan ti nasao a barangay gapu ti maipagarop a panaggatgatang na ti botos.
Segun ken ni Andres, adda ti inyawat ni Ruiz kenkuana a polyetos ken nakaipalipit ditoy ti 300 a pisos ngem saanna nga inawat gapu ta saanna a kanunungan ti kastoy nga ar-aramiden ti maseknan.
Iti panagimbestigar dagiti otoridad, ado dagiti nangpaneknek ti maipagarop a panagit-ited ti kwarta ni Ruiz.
