LAOAG CITY – Maysa a nagkauna a jar manipud pay idi panawen ti Bronze Age ti aksidente a nabuong ti maysa nga ubing nga agtawen iti uppat idiay Israel.
Idi Agosto, bimmisita ti pamilia Geller iti Hecht Museum idiay Haifa, Israel.
Basar iti ama ti pamilia a ni Alex, pinabus-oyanna dagiti annakna nga aglikos nga agmaymaysa iti museum.
Kalpasan ti sumagmamano a minuto ket nangngeg iti museo ti nabuong a ramit.
Ti nadadael ti anakna ket maysa a jar nga aggapu pay idi Bronze ken mapattapatta nga agtawen iti tallo a ribu.
Inimbitaranda ti pamilia Geller iti museo ken inpakitada ditoy ti restoration process ti nadadael a jar.
Kabayatanna, dua a lawas kalpasan ti pannakadadael ti jar, nai-display manen daytoy iti museum no sadinno nga arig awan ti nagbalbaiw iti jar malaksid laeng ti nakapaskil ditoy a “Please Don’t Touch.”
