LAOAG CITY – Inbatad ni P/Maj. Jephre Taccad, Chief ti Provincial Operation Management Unit ti Ilocos Norte Police Provincial Office saan pay laeng a mabalin a makuti dagiti lugan a nakapaltopaltogan ti grupo ni ABC President Mark Adrian “Macky” Barba.
Daytoy ket gapu ta mannarimaan pay laeng ti bullet trajectory examination nga isaysayangkat dagiti otoridad.
Kunana nga apaman a malpas ti imbestigasyon ket maipan iti Police Station dagiti lugan.
Namunganay daytoy kalpasan nga agpapan ita ket adda pay laeng iti crime scene ti lugan a nagluganan dagiti biktima agraman dagiti dua a lugan a nairaman.
Mainaig iti daytoy inpasigurado ni P/Maj. Taccad ti agtultuloy ti iwaywayat da imbestigasyon tapno maamwan dagiti adda iti likodan ti mapaspasamak a pammaltog iti nasao nga ili.
Maipalagip a sakbay ti pannakapaltu-paltog ni ABC President Barba ken dagiti bodyguard na ket immuna a napaltu-paltogan ni Barangay Chairman Francisco Bagay Jr. ti Brgy. 5 iti ili ti San Nicolas.
