LAOAG CITY – Napirmaan ti memorandum of agreement ti lokal a gobierno iti ili ti San Nicolas ken ti “Card it Now” App.
Daytoy nga application ket maibilang daytoy kas kauunan nga application ditoy pagilian a mangidiaya ti alalisto ken naannayas a panagbayad kadagiti amilyar iti nadakamat nga ili.
Gapu iti daytoy, maragsakan ni Mayor Mike Hernando iti ili ti San Nicolas gapu ta napatganen ti nabayag a kalikagumna nga agbalin a digitalize dagiti transaksion iti uneg ti lokal a gobierno.
Segun kenkuana, sumagmamano a bulan ket addaan ton ti naannayas ken nalalaka a wagas iti panagbayad iti amilyar babaen iti ‘mobile application’ nga usaren dagiti property owners, ken dagiti resident ken non-resident nga addaan iti sanikua iti uneg iti nadakamat nga ili.
Kabayatanna, nagyaman ti Mayor ken ni Congressman Angelo Marcos Barba iti panagi-ayammona iti nadakamat nga mobile application tapnu makipagtinunos ti lokal a gobierno a magun-od ti digitalization.
