LAOAG CITY – Kinumpirmaran ni Doctor Renato Mateo, ti mangidadaulo iti City Health Office (CHO) ditoy ciudad ti Laoag nga adda ti maysa a nagpositibo ti rapid test a naka-quarantine iti City Library.
Inlawlawag na a ti pasyente ket maibilang a presumed recovered a kayat na a sawen ket possible a naaddaan idi ti kaso ti covid-19 ngem nakarekobren.
Inbatad na a ti maseknan ket immunan a dimmalan ti PCR test iti Metro Manila ngem awan ti nakita a sakit na.
Nupay kasta, nai-quarantine latta daytoy iti Metro Manila ken idi nakaruwar ket napan dimmagas iti Bulacan sakbay a nagawid ditoy ciudad ti Laoag.
Innayon na a napan da sinabat iti border checkpoint iti ili ti Badoc ken inderetso da iti City Library ditoy ciudad.
Kuna pay ni Mateo a dimmalan ti maseknan ti swab test ngem maiyur-uray pay laeng ti resulta na tapno maamoan no ania ti pudno a sakit na.
Inpakaammo ni Mateo nga awan pulos ti makitkita da nga aniaman a sintomas ti covid-19 iti pasyente.
