LAOAG CITY – Masansan a panagperdi ti motorsiklo ti suspek ken pannakapabasol ti biktima ti maipagarap a namunganayan ti pammaltog iti Brgy. 46 Nalbo ditoy siudad ti Laoag.
Daytoy ti kinumpirmaran ni Police Lt. Col. Rafael Lero, hepe ti PNP Laoag babaen ti panagimbestigar da iti insidente.
Kuna na nga agtultuloy ti imbestigasyon da mainaig iti pammaltog, a nakatayan ti biktima a ni Balvinoa Arzaga Ancheta Jr, agtawen ti 22, maysa a constructionnworker ken residente iti nasao a barangay.
Segun kenni Lero, dati a susik ti namunganayan ti pammaltog gapu ta tunggal mapan agduty ti suspek a ni Randolf Agliday, security guard iti sidekick security agency ken residente iti ili ti Banna ken maperdi ti motorsiklo na.
Inbatad na nga adda ti gundaway a nakargaan ti darat iti tanke ti motorsiklo, flat ken dadduma pay a pakaperdian ti motorsiklo na a rason nagatapan ti suspek nga aramid ti nasao a biktima dagitoy.
Malaksid iti daytoy, kuna ni Lero ket maipagarup nga adda pay iti panggep ti karelasyon.
Innayon ni Lero a basar kadagiti residente iti nasao a barangay ket awan ti ammo da a nagririan ti suspek ken ti biktima.
Iti mainaig a damag, pimmusay ni Balvinoa Arzaga Ancheta Jr., maysa a construction worker kalpasan a natamaan ti barukong na babaen ti panangpaltog ti suspek a ni Randolf Agliday, security guard ken driver iti pagpapaayan na iti nasao a barangay.
Inlawlawag ni Police Lt. Col. Rafael Lero, hepe ti PNP Laoag a naminsan laeng a natamaan ti bala ti 9mm a kalibre ti paltog iti barukong ti biktima.
Kalpasan ti pammaltog ket naglibas ti suspek ngem babaen ti panagresponde na kadua na dagiti police personnel dagus met laeng a simmuko ti suspek idi nabirokan da.
Kuna na a kalpasan ti pammaltog ket nagpappaputok pay laeng ti suspek iti sumagmamano a daras tapno awan ti mangsaruno kenkuana.
Narekobre da ti nausar a paltog a maysa nga Armscor caliber 9mm agraman dagiti sumagmamano nga empty shell iti nakapasamakan ti pammaltog.
Agtultuloy ti imbestigasyon dagiti otoridad kalpasan ti pammaltog idi rabii.
