LAOAG CITY – Inadmitir ni Bgy. Chairwoman Alicia Bonoan iti Bgy. Balacad iti Ciudad ti Laoag nga adda da dagiti maidandanon nga inpormasyon nga adda da dagiti lallaki nga agbasakbasak iti rabii iti barangay da.
Nupay kusta, kuna ni Bonoan nga agingga met laeng iti sao-sao gapu ta awan met ti mangkompirmar a kabarangayan na a nakakita.
Innayon na nga awan met ngarud ti insidente ti panagtatakaw iti barangay da a posible a ti makin-aramid koma ket dagiti nasao a lallaki.
Nupay kasta, inbatad ti Bgy. Chairwoman a maipagarup nga adda dagiti nakakita nga adda agbasakbasak a lallaki iti sakupen ti Bgy. Samak iti ili ti San Nicolas.
