LAOAG CITY – Inpakaammo ni Barangay Chairman Elviro Agoo, iti Brgy. Davila iti ili ti Pasuquin a nakasagana dagiti kaso a maipila kontra iti nagtakaw ti mais iti nasao a barangay.
Daytoy ket gapu ta naibati dagiti saan pay a nabigbig a suspek ti motorsiklo a nagmaris ti violet nga euro rapido no bilang umay da alaen.
Kuna na a naipakaamo da iti biang ti Philippine National Police ti insidente para ti pannakaimbestigar ti insidente.
Kinumpirmaran ni Agoo nga adda dagiti tallo a suspek nga adda ti saggagaysa a sinako ti mais ken kinamkamat dagiti barangay tanod.
Inbunannag ni Agoo a saanen a damo nga insidente daytoy gapu ta masansan a matakawan dagiti mannalon iti barangay da.
Gapu iti daytoy, ket nagbantay dagiti maseknan iti kamaisan da ken narana da dagiti nakalibas a mannanakaw.
Inbatad ni Agoo nga idi nadlaw dagiti maseknan ti karasakas dagiti suspek ket dita kinamat dagiti mannalon.
Naibati dagiti suspek ti nagluganan da a motorsiklo ken nagtalinaed iti kustudyar ti barangay.
Mamati ni Agoo a saan da a kabaelan a mailugan iti motorsiklo ti maysa a sako ti sweet corn ngem awan ti nakita dagiti mannalon a sabali a lugan dagiti suspek.
Innayon na a mabalin nga adda iti umay mangala kadagiti suspek tapno mailugan da dagiti tinakaw da a mais.
